September 25, 2010

ආදරයට ලියන කතා....

අපි දෙන්න මුන ගැහිල මේ මාසෙට මාස අටක් සම්පූර්නයි රත්තරන්. අපි ආපු පාර දිහා ආපහු හැරිල බැලුවොත් කොච්චර නම් සුන්දරද නේද?.. මුලින් හම්බුනු දවසේ අඳුරන්නෙත් නැති නිසා හොරෙන් හොරෙන් බල බල ඇස් වලින් කතා කරපු ඒ පුන්චි කෙල්ල අද මගෙ පපුවට ඔලුව තියාගෙන සනීපෙට නිදි. ජීවිතේ සුන්දරද මෙතරම් කියන රූකාන්ත මහත්තයාගේ සින්දුව මටම ලිව්වාද කියල හිත හිත ඔයාගේ කෙහෙරැලි වලට මගෙ මූන තියාගෙන  උතුරා ගලන ආදරය මොහොතකට වින්දා මම

ඊයේ ඉපදුන ලස්සන ලෝකය
අද කොහෙන් හෝ
හෙමිහිට ඇවිදින් මිදුල දිගේ මට
තුරුලු වෙනවාදෝ.....





September 24, 2010

නිල් නෙතු.....

ලැබේ නම් මතු දිනක ඔය නිල් නෙතු
තනිවෙලා යැයි සිතූ පෙර දින නිමයි
අතිනත ගන්නාතෙක් මතු දින මා ඔබ සිතු
ජීවිතේ කරදර මැද බෝ දුරයි

කතාවක් කියනා ඔය නිල් නෙතු
මගේ බව නම් මට සැබයි
සියක් කෙනෙහිලි ලැබෙන මුත් අද
දුකක් නෑ ඔබ මගේ ලඟයි

පා කරන මද සිනා ඔය නිල් නෙතු
අනන්තයක් තරමට මට ආදරෙ කරයි
ලැබෙන තෙක් මගෙ ලඟට මින් මතු
අහස තරමට අද පෙරුම්පුරයි

ජෝඑල් ලෙනන්